کټ مټ زموږ کیسه ده!

یو نفر و ډاکټر ته د تداوۍ له پاره ورغلئ. د معاینې په وخت کي و ډاکتر ته مفتش راغلئ او له ډاکتره ئې د ډاکترۍ اسناد وغوښتل. ډاکتر مفتش ګوښه کړ، څو پیسې ئې ورکړې، ول زه واقعي ډاکټر نه یم، دا پیسې واخله او ځه!
مفتش پیسې واخیستې او روان سو.
ناروغ و مفتش ته شکایت وکړ، ول دا دي څه وکړه، ولي دي دا جعلي ډاکټر پرېښود؟ 
مفتش ورته وویل زه هم ریښتنی مفتش نه یم، ما یوازي خپل جیب ډک کړ، ته کولای سې د جعلي ډاکټر شکایت وکړې! 
ناروغ د یوې ترخې موسکا سره وویل: متاسفانه چي زه هم په رشتیا ناروغ نه یم، راغلم چي له ډاکتره د ناروغۍ تصدیق واخلم، تر څو له وظیفې رخصت سم او استراحت وکړم.