د ماشوم کتاب او د وېش ستونزه
لیکوال: صدیق الله بدر
که څه هم په تيرو لسو دولسو کلونو کې د ماشوم ادبیاتو د پنځولو، چاپ او وېش لپاره کار شوی خو د ډېر قناعت وړ ځکه نه دی چې یوازې ښارونه، هغه هم په کمه اندازه؛ په نظر کې نیول شوي او لرې پرتې سیمې چورلټ هېرې شوې دي.
پخپل ذات کې دا یوه لویه ستونزه ده او د دې ستونزې د رامنځته کېدو لوی علت د ماشوم ادبیاتو ته د دولت نه پاملرنه ده.
زموږ لیکوالو د اثارو په رامنځته کولو سره ډېره هڅه کړې چې دا تشه ډکه خو د دغو اثارو چاپول تر ټولو اساسي کار دی، چې یا سرچینې ورته نشته او یا په ګرانه پیدا کېږي.
