ژباړه/ صدیق الله بدر
ارنست همینګوې څه ډول لیکل کول؟
ارنست مېلر همینګوې د امریکا له نامتو لیکوالو او د نوبل جایزې ګټونکی دی. بوډا او سیند د هغه له مهمو کتابونو او ناولو څخه دی. ځانګړی سبک نوموړی یو بې جوړې او اغېز ښندونکی لیکوال راپېژني. په ۱۹۲۵ کې د (زموږه زمانه) په نوم د هغه د لنډو کیسو ټولګه خپره شوه چې په رښتيا هم د هغه د ځانګړي سبک ښکارندويي کوي. د ماشومتوب د دورې خاطرات يې، چې په ۱۹۶۴ کې د هغه تر مړينې وروسته د ( بدلون موندونکي اختر) په نامه چاپ شول، د ۱۹۲۰ لسیزې په اوږدو کې د لیکوالو، هنرمندانو، فرهنګ او په پاریس کې د ژوند بڼې په اړه د هغه له شخصي او بې مثاله اخستنو څخه شمېرل کېږي.
