ویناوال: صدیق الله بدر
مننه
چې کله تلې شاته دې ونه کتل
وېرې کړې ښخې مې منګولې په زړه
سترګې مې پټې کړلې
د خوب کوترو پسې
بام ته د خوب وختم
خو په بڼو باندې برند باز د شوګيرونو ناست و
ګواښ نه دې ووېرېدم
ټوله شپه غېږه کې د وېرې نغښته
ټوله شپه ناست د شوګير باز سره وم
له تا نهيلی خوب نه نهيلی ومه
خو د سبا سترګې سترګکې سره
د خوب کوترې مې د سترګو بام نه تاوراتاو شوې
ته مې ليدې شاته موسکۍ موسکۍ کتل دې تلو کې
1392,9,22
